KUCHING: Menteri Besai, Datuk Seri Anwar Ibrahim meri jamin semua pekara ti dipinta ba baruh Sempekat Malaysia 1963 (MA63) nadai diperunding agi tang deka dipejalai enggau meruan.
Ku iya, perintah diatu nyadi raban penerus ti beempu tanggungpengawa ngamatka semaya ti dirintai entara raban tuai menua lebuh numbuhka Malaysia kelia.
“Bisi isu ti dibantai pasal MA63, pia mega bala menteri ti nyau deka semua bisi ditu nemu polisi kitai.
“Nya alai, MA63 ukai ungkup diperunding tang dikeamat. Puji Tuhan nengah bantu bala bakih nyau semua nya ulih dipejalaika,” ku iya.
Anwar bejaku munyi nya rambau Hari Malaysia 2023 Renggat Nasional di Stadium Perpaduan Kuching, malam tadi.
Anwar madah, iya enggai bisi asai ati ti ngumbai orang Semenanjung Malaysia ngelaungka Sabah enggau Sarawak.
