ARTIKEL

Majak mayuh anak seni di Sarawak nyukung MRSB

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Penyampau raban pengemeran muzik tauka anak seni di Sarawak ke udah ngerejister diri enggau Musik Right Sarawak Berhad (MRSB) diatu majak nambah nyengkaum raban penanyi lama enggau baru.

Chairman Gerempung Armada Anak Sarawak (Aras) ke mega kaban MRSB, Gibson Rentap madah naka 8 Julai tu tadi urung 880 iku raban pengemeran muzik enggau 33 buah serikat rikoding di Sarawak udah ngerejister diri nyukung penumbuh MRSB.

Taja pia, ku Gibson agi bisi ga sekeda ke endang tebilang nama agi apin deka ngerejister diri. Tang, MRSB tetap bebasa ke penemu siku-siku ari sida. Tuju penumbuh MRSB tu endang ungkup pemaik semua kaban ke endang udah berejister.

“Engka nya bisi bedau nemu penerang ke nyemetak, nyadi engka tu ti ngasuh sida bedau tebuka runding pasal pemaik MRSB.

“Ambika chunto bisi sekeda ti agi liat ati, nadai meri sebarang timbal lebuh dibai ngulu webinar ti betuju nerang ngagai sida pemanah MRSB tu dudi hari.

“Nya alai, aku meransang sida ke apin ngerejister diri. Rejister mih diatu anang betangguh laban tu ukai ungkup penguntung orang bukai tang nyaga hak kitai empu ke udah bebendar ngasilka sesebengkah karya lebih agi bekaul enggau lagu-lagu etnik Dayak Iban,” ku iya.

Webinar kedua tu deka diatur kena 11 Julai tu, pukul 8 malam sereta deka ditaburka terus nengah laman Facebook rasmi MRSB.

Gibson ke mega Tuai Kaban Muzik Production (KMP) mansutka penerang nya ngagai Suara Sarawak lebuh meri timbal bekaul enggau pemujur program Webinar Begulai Enggau MRSB ke diatur sebedau tu.

Nya alai, dalam timpuh dua bulan ti deka datai tu raban Aras sigi deka bebendar ngerembaika berita manah pasal MRSB tu awakka ditemu semua pengemeran muzik etnik di Sarawak nyengkaum lagu-lagu bansa Dayak enggau ukai Dayak.

Udah tu, Aras bisi perambu deka ngatur sebengkah agi program webinar (randau nengah chara digital) nerangka pasal Hak Nengkebang Reta Intelek nengah Webinar ke dikumbai ‘Bagaimana Akta Hak Cipta 1987 Mleindungi Pengkarya’. Temuai ti dikangau bejuraika pekara tu iya nya Penulung Pegawai Penerit Adat KPDNHEP Sarawak Maruni Langga sereta Tuai Pematak Randau Gibson Rentap.

Webinar tu deka diatur kena 11 Julai tu, pukul 8 malam sereta deka ditaburka terus nengah laman Facebook rasmi MRSB.

Ungkup penemu bala mayuh, MRSB tu siti entiti ti ditumbuh dibaruh Aras betuju dikena nyaga lagu enggau muzik semua lagu etnik di Sarawak. Naka tu, penumbuh MRSB agi dalam timpuh dikemataka Ejensi Keresa Intelek Malaysia (MyIPO) lalu begunaka sukung ari bala pengemeran muzik lebih agi bala anak seni di Sarawak.

BERITA LAIN

BERITA TERBARU

Anugerah pencetus semangat Bonnie

KUCHING: Jaguh powerlifting dunia kelahiran Sarawak, Bonnie Bunyau Gustin menyifatkan Anugerah Olahragawan Paralimpik Kebangsaan 2023 diterima malam kelmarin sebagai pencetus semangat untuk terus cemerlang dalam

Tiga bot nelayan ditahan APMM

MIRI: Tiga bot nelayan tempatan bersama 1,000 kilogram ikan dirampas oleh Agensi Penguatkuasaan Maritim Malaysia (APMM) Zon Miri di kedudukan 3.3 batu nautika barat laut

Geng Piji tumpas

KUCHING: Geng Piji yang aktif mencuri kenderaan selain terlibat dalam kes pecah rumah, samun dan curi kabel akhirnya tumpas apabila ketua termasuk 11 ahlinya dicekup