ARTIKEL

Makai dalam kedai, apin dikemendar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Empas ari varian Delta (VOC) udah ditemu ngerekai di Sarawak, Opis Menteri Kandang Menua enggau Pengawa Berumah Sarawak deka bejalaika pansik baru sereta ngemanahka Atur Pengawa Standard (SOP) ngagai atur makai ba kedai makai dalam Renggat 2, Pelin Ngemulaika Pemanah Menua (PPN).

Komiti Penyangga Penusah Nengeri (JPBN) dalam penerang media tadi madahka, naka diatu pengawa makai ba kedai makai bedau dikemendarka dulu nyentukka SOP baru dikeluarka.

Dalam aum media ti dipansutka Chairman JPBN Datuk Amar Douglas Uggah Embas kemari, menua Sarawak deka bejalaika PPN Renggat ke-2 berengkah 14 Julai tu.

Berindik ari nya, iya madahka pengawa makai ba restoran entara pekara ti deka dikemendarka dalam PPN tu.

Taja pia, iya madahka penyampau orang ti tau makai nya deka bepanggai ngagai SOP ti ditetapka Opis Menteri Kandang Menua enggau Pengawa Berumah Sarawak.

Kes positif Covid-19 di Sarawak niki baru ngagai 472 kes sehari tu, ngujungka penyampau kes positif di menua tu nambah ngagai 69,576 kes.

Tiga Pelilih Menua ngerikodka kes pemadu tinggi iya nya Miri (178), Kuching (138) enggau Tebedu (50).
Nangkan nya, kes pemati baru Covid-19 mega ngerikodka dua kes sehari tu ngaul siku indu enggau siku lelaki ke beumur 58 enggau 57 taun.

Taja pia, seduai ke midang tu bisi ngembuan penyakit bukai baka sakit darah tinggi, kemi manis, sakit tungkul sengayuh, gaot enggau sakit atau.

Penerang tu madahka, Pelilih Menua Dalat pulai mali ngagai status kuning ari status oren sehari tu laban semina ngerikodka 18 kes berampit dalam timpuh 14 hari ke udah lalu.

Tu ngujungka pelilih menua ba status mirah mengkang 21 buah, status oren nurun ngagai empat buah, status kuning nambah ngagai 14 buah enggau status gadung mengkang sebuah.

BERITA LAIN

BERITA TERBARU