ARTIKEL

Nancy (baju kuning) bergambar bersama peserta. - Foto: UKAS

Malaysia Autism Swimming Festival 2024 ulih ngubah peragam enggau penemu komuniti

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengawa ngatur Malaysia Autism Swimming Festival (MASF) 2024 dipelaba ulih ngubah peragam enggau penemu mensia mayuh ngagai raban autism.

Menteri Pemansang Orang Indu, Ruang Bilik enggau Komuniti, Datuk Seri Nancy Shukri, madah ke program MASF ulih mantaika penau nembiak khas lalu enggau nya nambahka pengarap ati sida.

Nancy nambah, program baka MASF ulih mandangka nembiak autisme ulih ditempa sereta dipelajar nengah chara ngajar ke betul.

Pia mega, Opis Menteri Pemansang Orang Indu, Ruang Bilik enggau Komuniti (KPWKM) deka seruran nyukung inisiatif ti diperambu ejensi perintah tauka gerempung ukai dikuasa perintah (NGO) enggau enda nejuka raban tu pia aja.

“KPWKM keran ngatur program penyedar autism ke alai apai indai deka diberi latih ngibun anak sida di serata menua nengah ejensi enggau NGO,” ku iya.

Iya bejaku munyi nya maya bejadika Pengawa Bejadi MASF 2024 enggau Pengerami Nyuaka Perais di Damai Lagoon Kuching kemari.

Berebak enggau nya, iya nambah, puji mega patut diberi ngagai raban pengajar ti bebendar matih nembiak autism ngambi ngulu latih lalu pengujung iya angkun ke pemujur.

MASF 2024 ti diatur Hawary Sports Centre enggau kerejasama KPWKM siti inisiatif dalam pekit nyendiaka terapi ngagai penyereta autism ti bisi kaul enggau penanggul pengelandik rama sereta deria.

BERITA LAIN

BERITA TERBARU