Manis diselamat siku OKU

KANOWIT: Siku apai tuai diripot tesat lemai Hari Satu udah ditemu urung pukul 08.40 pagi tadi.

Nitihka penerang PPgB Arrahman Chik ari Balai Bomba enggau Penyah Penusah (BBP) Kanowit, apai tuai benama Manis Lang @ Manis Matan beumur 73 taun asal ari Nanga Jih, Kanowit udah ditemu siku lelaki nyelai pendiau (OKU) benama Palima.

“Tudah Manis ditemu Palimba ba Ladang Sawit Pedai, Kanowit ditu, urung 4 KM penyauh ari Rumah Joshua.

“Manis ke ditemu nya nadai apa nama lalu udah dibai pulai ke rumah iya empu sereta udah dianjung sida sebilik ngagai Sepital Kanowit,” ku Arrahman nerang.

“Sebedau tu sida bisi nerima ripot ari Opis Polis Kanowit madahka bisi siko lelaki lenyau urung pukul 4 kena lemai Hari Satu tu tadi, ” tandu Arrahman.

Berindik ari ripotnya, raban BBP Kanowit begulai enggau raban polis ari Opis Polis Kanowit berumban ngesah ngagai endur penusah nyadi sereta bejalaika pengawa nyidi enggau nyelamat.

Suara Sarawak