Masing dipadu nyadi Chairman JPBNS sementara

KUCHING: Sapit Kepala Menteri Tan Sri James Jemut Masing dichiri nyadi pemangku Chairman Komiti Penyangga Penusah Ngenyit Nengeri Sarawak (JPBNS) nyentuk 17 Disember.

Nitihka penerang kemari, pengawa nyiri nya dikemendar kabinet dalam aum kena 18 November tu tadi beduduk ari Chairman JPBNS Datuk Amar Douglas Uggah Embas belelak pengelama sebulan.

Berebak enggau nya, Masing udah ngatur zoom keterubah begulai enggau raban JPBNS kemari pengudah mangku pengawa nyadi Pemangku Chairman JPBNS nya.

Ku Masing, semua raban JPBNS mesti bejejaga enggau bejalaika inisiatif tambah ngambi ngubah zon mirah nyadi zon kuning enggau lengkas.

“Mensia mayuh mega mesti nitihka Atur Pengawa Standard (SOP) ti ditetapka Perintah Besai enggau Perintah Sarawak, nadai ngira diri endur kita,” terang iya.

Suara Sarawak