ARTIKEL

MATI IDUP BARU

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

TU meh Bukit Tilong tauka Bukit Mandai ba menua Ulu Kapuas Indonesia.

Ba dalam ensera, kitai suah ninga dikumbai Bukit Megong alai aki ini kitai terubah mungkal pengawa ngayau.

Enti ba leka sabak, nya dikumbai orang Bukit Penguji Nangga Ari, jalai pun semengat kitai niki ke langit.

ANAK Sekali tu, Burik Kemundang deka bekunsi ke siti cherita ti amat nyadi kelia.

“Laban ke dinga buta enda ingat ke nama orang nya, tang pelaba aku chukup kena kitai ngingat ke petara agi ngemata ke kitai, nulung mandung peturun Keling, peturun Bungai Nuing.

“Ba menua tunga ke Sebauh kin, bisi siti cherita siku apai tuai orang ke udah mati bini.

Nya kira pengelama bini iya udah nadai.

Sekali iya ngemai bala anak iya bemalam ba langkau umai.

“Bala anak iya maya nya benung bekeridun baka anak impun.

Agi mit magang. Baka tusun gigi tangga laban ke pisit beranak.

“Enda memukai deh tudah apai tuai nya ta mutus ke seput.

Dia deh bangkai iya laban ke nadai orang ngemata, but dia.

Bala anak iya nyabak meh ke iya.

Tang nadai daya laban semua sida nya enda nemu utai.

“Lengka ke nda lama cherita iya ke parai nya.

Kenu ku iya, datai iya ba menua sebayan din, enda memukai asuh bini iya pulai ke menua.

“Pulai di sanu! Nadai orang meda anak tua, pia ku iya”.

“Sepengudah iya bejaku dia bini iya lalu ngeju ke iya pulai ke menua.

Sekali ngeleda tudah iya, ta terengkah dikaki tanju langkau.

“Nya meh bala anak iya tekenyit meda iya ta idup baru. Mua iya kenu ku tusi orang ngagai aku, bedau bekau tebuk ulat laban sigi udah ka luluh,” ku iya nampung cherita.

BAYA Sekali tu bisi ga mega siti cherita tungga ke Kanowit kin kelia, ku Burik Kemundang bekunsika cherita dikeingatka iya.

“Nitih ke cherita ti kala didinga aku, bisi siku anak mit parai pansa utai.

Meda bakanya, sida serumah pen lalu, beraduka iya.

“Enda memukai bala ini iya enggai maya ke iya utai manah laban meda iya ke biak.

Baya ke orang pinggai pechah, duku rimpak, enggau utai ke bukai.

“Bah leka ke nda lama cherita nya.

Ba sebayan din, dia deh anak mit nya tadi betemu enggau niang aki iya.

Ku niang aki iya bejaku; “Nama gaga nuan kitu umang, ngachau kami ngetau, peda nuan utai bai nuan, nadai ke menyana siti.

Pulai nuan alai, minta ibun ini nuan, ngawa kami,” pia ku jaku niang aki iya.

Udah aki iya tembu meri iya makai, belauk ke upa pisang gulai manuk tuai.

Dia deh aki iya alu ngeju ke uchu iya nya ari mua empelua.

Bah nama deh.

Tedani iya ngeleda din lalu temutah ke upa pisang taja iya nadai makai nya ba linakunjak@suarasarawak.my menua kitai.

Kenu ku tusi orang indai tuai nya gayu suba, landik ngereja pengawa indu sepengudah iya ke idup baru.

“Pechaya ke enda bala pemacha? Nya tepulai ngagai kitai empu.

Arap ke semua ke macha tu gerai nyamai, lantang senang nguan menua,” ku sampi Burik Kemundang.

BERITA LAIN

BERITA TERBARU

Presiden Rusia tawa perdamaian bersyarat kepada Ukraine

MOSCOW, Rusia: Presiden Rusia, Vladimir Putin, semalam mencadangkan perdamaian kepada Ukraine dengan menggariskan syarat-syarat Rusia untuk menamatkan serangan dan memulakan rundingan damai, lapor Agensi Anadolu