ARTIKEL

TANGGAM KEREJASAMA… Mohd Hazwan (dua kiba) enggau Ronald (kanan) betabi kelai udah nyain Mou ba Indu Opis SSB ditu, tadi.

Maxim nyendia servis pejalai pechuma ungkup orang buta

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Maxim E-Hailing Malaysia nanggam kerejasama enggau Gerempung Orang Buta Sarawak (SSB) ba pengawa nyendiaka bantu servis pejalai pechuma di selampur Sarawak.

Direktor Maxim Malaysia, Mohd Hazwan Musley madah, Maxim seruran meri perati sereta ngemeratka raban penguna servis ngambika ulih meri sukung pemadu manah.

“Nya nyengkaum meri bantu ngagai sida ti begunaka bantu ba mayuh sukut nyengkaum bekunsi pejalai pechuma enggau Maxim.

“Aku empu tepedaka sebuah artikel Utusan Borneo di Facebook kena 22 March 2024 bekaul gerempung tu ti minta serikat e-hailing nyendiaka servis ti patut ngagai raban ti begunaka bantu baka sida,” ku iya.

Mohd Hazwan bejaku munyi nya rambau aum pemberita nyain Sempekat Pemereti Ati (MoU) entara Maxim E-Hailing Malaysia enggau SSB ba Indu Opis SSB ditu, tadi.

Iya madah, MoU nya nyadi peluang pemadu manah ngagai serikat servis pejalai nya meri bantu nengah chara meri dua korporat akaun ngagai gerempung ungkup guna semua enggau rega diskaun ngagai raban gerempung.

BERITA LAIN

BERITA TERBARU