JULAU: Rayat ba Parlimen Julau deka nerima mayuh agi pemansang enti Gempung Parti Sarawak (GPS) mujur ngerampas baru penuduk nya ari penyakal.
Chairman GPS ti mega Premier Sarawak, Datuk Patinggi Tan Sri Abang Johari Tun Openg madah, pengilap ba Pengawa Bepilih Besai Ke-14 (PRU-14) suba patut nyadika teladan rayat dia.
Nya alai ku iya, Perintah GPS deka nyaup Datuk Joseph Salang ngemansangka sitak nya enti iya diberi mandat nyadi Kaban Parlimen Julau ba PRU-15 tu.
“Datuk Salang kala nyadi rayat ditu, endang amat. Kitai GPS deka nyaup Datuk Joseph Salang mai pemansang ngagai kita ditu.
“Ba aku empu, enti sema Julau tu ‘lurus pejalai’, Sarawak deka meri penuduk pemadu mayuh ba PRU-15 tu,” terang iya ba mua mayuh rambau Program Begulai Enggau Rayat Julau, pagi tadi.
