ARTIKEL

BETATIKA PEMINTA… Peter (kiba) enggau Abdul Wahap (kanan) nunjukka rintai rega barang ti dijual mudah agi ari rega makit. | GAMBAR RAMIDI SUBARI

Mayuh agi Program Jual Rahmah (PJR) diatur

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Opis Menteri Dagang Dalam Menua enggau Kos Pengidup (KPDN) Sarawak udah ngatur mayuh agi Program Jual Rahmah (PJR) ba semua sitak di nengeri tu.

Tuai Penerit Atur Nengeri KPDN Sarawak, Peter J. Berinus Agang madah, nya diatur sepanjai bulan Ramadan dikena nyendiaka diri ngintu Hari Raya Aidilfitri ke deka diatur enda lama agi.

Ku iya, atur program tu enggau tuju ngelempung tating kos pengidup rayat.

“Tu mega meri peluang ngagai mensia mayuh kelebih agi besemak dia bulih bekal pemakai enggau rega ti mudah agi iya nya 30 peratus mudah agi ari rega makit.

“Lalu program tu diatur ba selampur menua, ba 222 parlimen seraya di Sarawak kitai deka ngatur ninting bulan ba 31 Parlimen, dua kali sebulan.

“Ari 12 March nyentuk 9 April tu, Sarawak udah ngatur 114 jual Rahmah lalu ari 114 nya, 38 tu ungkup bulan Ramadan nentuka mensia mayuh bulih barang enggau pemakai rega ti mudah agi,” ku iya.

Peter mansutka jaku nya lebuh dirandau pemberita pengudah bejadi PJR ti diatur enggau kerejasama Lembaga Amanah Kebajikan Masjid Negeri Sarawak (LAKMNS) ba mua Masjid Jamek Negeri Sarawak, ditu kemari.

Nambahka nya ku iya, KPDN mega nguji nangkup peminta ari tuai komuniti ngatur program baka tu dikena mantu mensia mayuh.

Program Jual RAHMAH (PJR) nya sebengkah program di baruh inisiatif Payung RAHMAH ti dipejalai KPDN lalu nyendiaka barang ti udah nyentuk 30 peratus ari rega makit.

Entara barang diberi diskaun iya nya manuk, ikan, telu manuk, minyak makai butul, tepung gandum, berau, sayur, buah enggau ke bukai.

Seraya Tuai Pegawai Eksekutif LAKMNS, Datuk Abang Abdul Wahap Abang Julai madah, nya kedua kali PJR diatur ba Masjid Jamek Negeri Sarawak.

“Pengudah meda pemanah timbal lebuh keterubah diatur serimbai Pengerami Maal Hijrah 2023, LAKMNS ngelalu raban KPDN ngena fasiliti ba Masjid Jamek Negeri Sarawak ungkup tuju program tu,” terang iya.

BERITA LAIN

Sarawak dulu sesingkang mantu rayat

BAU: Perintah Sarawak dipuji laban ngena chara go the extra mile tauka dulu sesingkang ba pengawa meri bantu ngagai rayat di menua tu. Sapit Menteri

Isut mubuk menua Kabo Ulu

ISUT nitih ke jerita, nyadi tuai orang ti muai unak, muai lemetak, muai batang, muai agang di sitak menua Kabo Ulu. Iya tuai orang berimbau,

BERITA TERBARU