ARTIKEL

CHAMPION… Mad Zaidi (dua kiba) nyuaka perais ngagai champion pekit nginti undang.

Mayuh aktiviti diatur dikena ngerichah HAS

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Bisi 160 penyereta nyengkaum peranak lokal enggau nembiak sekula masuk pekit nginti undang sereta nero enggau nyura serimbai pengawa ngintu Hari Ai Dunya (HAS) ba Tebing Ai Kuching ti diatur dua hari berunggu berengkah ari kemari.

Pekit nginti undang nya dipasuk 30 penyereta lalu gelar champion dipenggi Zainal Abidin Noh ti bulih undang 0.178 kilogram (kg) pemerat.

Penuduk kedua dipenggi Saman Mieso enggau undang sepemerat 0.080 kg lalu Shaifol Nawi ba penuduk ketiga pengudah bulih undang 0.050 kg pemerat.

Champion ba pekit nya mai pulai perais mata duit RM1,000 sereta hamper lalu penuduk kedua enggau ketiga bela mai pulai perais mata duit RM750 enggau RM250.

Nangkan nya, lima iku penyereta bukai ti bulih penuduk sagu ati bela mai pulai perais mata duit RM200.

Pia mega, pekit nero enggau nyura bisi nyendia empat kategori ti chukup richah diatur ba balai Sekula Sekondari (SMK) St Thomas Kuching.

Pekit nya dipasuk 130 penyereta ti mungkur bala nembiak mit lalu ari penyampau nya semina 40 penyereta masuk pekit nero lalu 90 iku ti bukai masuk pekit nyura.

Bala champion ungkup genap kategori nero nya bela mai pulai trofi enggau perais mata duit RM600 lalu RM500 ungkup penuduk kedua enggau penuduk ketiga mai pulai RM400.

Nambahka nya, champion ungkup pekit nyura mai pulai trofi enggau perais mata duit sepenyampau RM300 lalu penuduk kedua enggau ketiga mai pulai perais mata duit RM200 enggau RM100.

Dulu agi ari nya, pengawa nyuaka perais dipenyadi Tuai Sekretari Opis Menteri Pengawa Ngalih Kuasa enggau Transformasyen Ai (PETRA), Datuk Mad Zaidi Mohd Karli.

Bela datai, Sapit Tuai Sekretari (Ai) PETRA, Datuk Mohd Rodzwan Mohd Baba Sakri sereta Tuai Direktor JPS Malaysia, Datuk Ir Dr Ahmad Anuar Othman.

BERITA LAIN

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)

Saripah Tuah angkun ngangkat pesaka Bisaya

ANGKUN deka nyaga kereban asal raban bansa Bisaya, Saripah Tuah, 44 bejalaika dagang ngelakuka semua kereban tradisional Bisaya awakka enda punas disegang arus pemansang dunya

BERITA TERBARU

Penyulut SPM meri pengaga ngagai semua

KUCHING: Bulih pemutus peresa nyulut ba Sijil Pelajaran Malaysia (SPM) 2023 ukai penyulut siku orang aja tang nya penyulut semua raban. Nembiak Sekula Sekondari (SMK)