Mayuh inisiatif  pemansang ulih dikemujur

KUCHING: Perintah Sarawak nyengala ulih ngemujur mayuh bengkah inisiatif pemansang ba menua tu.

Kepala Menteri Datuk Patinggi Abang Johari Tu  Openg madahka pengering ari sukut ekonomi ulih nyungkak Sarawak nyadi nengeri mansang lalu nyadi pekara ti ngemegahka rayat sereta ngenegapka kitai ngaga mayuh macham pekara ti nguntungka rayat

“Nengah pemisi tanah ti nyau deka sama besai enggau Semenanjung Malaysia sereta ngembuan mayuh pengeraja asal, Sarawak ngembuan penau besai nyadi kuasa ekonomi ukai semina di Malaysia, tang mega ba kandang menua tu.

“Nya alai kitai patut meranakka puku ngambika ulih nambahka infrastruktur nengeri sereta ngena pengelebih nya,” ku iya madah nengah pesan Hari Krismas enggau Taun Baru, ditu sehari tu tadi.

Suara Sarawak