ARTIKEL

NGAUL… Wong enda muai peluang ngaul bala pedaja ba Pasar Tamu Sibu Jaya.

MDLBS ngerah bala pedaja semampai ngemerat pemeresi Pasar Tamu Sibu Jaya

Facebook
Twitter
LinkedIn
WhatsApp
Telegram

SIBU: Kaunsil Pelilih Menua Pesisir Sibu (MDLBS) deka terus matau gaya pemeresi sereta naka ulih nambah infrastruktur ba Pasar Tamu Sibu Jaya.

Sapit Chairman MDLBS, Kaunsilor Wong Ching Yong madahka diri ngemerat pekara bekaul pengawa nyaga pengerai mensia mayuh enggau matak bala temuai.

“Ungkup pekara nya, raban kaunsil deka terus chakah bekomunikasyen enggau raban pedaja bekaul.

“Nengah komunikasyen manah, aku ngasaika tu ulih mantu ngelempung pangku pengawa kami,” ku iya.

Wong mansutka jaku nya rambau pengawa meresa Pasar Tamu Sibu Jaya ujung minggu tu tadi.

Iya madah, pasar nya semina beoperasyen dua kali seminggu.

Chairman Parti Rayat Sa’ati Sarawak (SUPP) Pampang Dudong nya nyemetak madah, kaunsil ngesan pangku pengawa negap kerejasama rat enggau mensia mayuh sereta bala pedaja dikena ngelakuka pemansang ba sitak nya begulai.

Ngelansa senentang pengawa meresa nya, iya madah, nya ukai semina matau gaya ba pasar dia tang tikas pemeresi dia dikena nentu pengelikun sereta pengerai mensia mayuh enggau bala pedaja.

Baca lain  MP Sibu ramal pengaruh GPS semakin luas dan kuat dalam politik Persekutuan masa depan

Rambau bejalaika pengawa matau nya, iya bisi ngaul bala pedaja dia dikena meretika guna enggau penemu sida.

“Bepelasarka gaya dipeda aku ba pengawa matau tu, bala pedaja madahka diri tepantup ati ngagai pengawa nyeleti gaya enggau servis ba pasar nya sereta ulih nambah pengandal ati sida ngagai kaunsil,” ku iya.

BERITA LAIN

BERITA TERBARU