ARTIKEL

Mensia mayuh diperansnag meri kerejasama ngagai JKR ngambi projek nyeleti Jalai Bau-Kuching lanchar

Facebook
Twitter
LinkedIn
WhatsApp
Telegram

BAU: Opis Kereja Raya (JKR) Sarawak bejalaika pengawa nyeleti enggau negapka agi struktur kaki bukit ba Jalai Bau-Kuching enda jauh ari Pasar Siniawan ditu ti rusak ketegal tanah tusur.

Jalai sepanjai 500 meter nya ditutup pengelama tiga bulan berengkah ari bulan Oktober nyin kemari laban gaya jalai dia merekah sereta rusak ba kaki bukit lalu batang paip utiliti dia.

Injinir Bagi Menua Kuching JKR Sarawak, Liew Ming Chek madah, pengawa nyeleti nya mungkur pengawa ngisi baru tanah ba kaki bukit nya sereta mindahka tanah ti udah tusur ketegal ujan bangat Hari Enam tu tadi.

Iya madah, ketegal gaya hari ti enda manah, ai ari dalam tanah niki ke atas lalu ngasuh struktur tanah dia lemi sereta ngerusak jalai.

“Ungkup pengawa nyeleti, kitai ngaga selapat tambah ba tisi jalai lalu muai tanah ti enda manah dia sereta ngisi baru tanah ti manah agi.

“Ari nya kitai ulih nembuka pengawa nyeleti tu.

“Kitai melaba projek tu tembu dalam timpuh 14 hari tang nya bepanggai ba gaya hari. Nya meh atur lengkas ti ulih dipejalaika kitai,” ku iya.

Ming Chek mansutka jaku nya lebuh dirandau pemberita rambau ngabas taba projek nya ditu, kemari.

Ngelansa silik, ku iya, naka diatu, sida napi penanggul naka ulih nyeliah ngeruga batang paip utiliti baruh tanah ba sitak nya.

Terang iya, raban sida deka ngaga batang paip sementara ungkup batang paip utiliti nya sebedau pengawa nyeleti struktur tanah dia.

Nangkan nya, Kaban Kunsil Nengeri (ADUN) Serumbu, Miro Simun minta JKR enggau kunteriktor ngerumban pengawa nyeleti jalai nya laban nya endang jalai diguna mensia mayuh ngagai Bau enggau Kuching.

Nya alai, iya minta mensia mayuh liat ati sepanjai timpuh nyeleti jalai nya.

LAIN-LAIN BERITA

Lebih 360,000 ngusung Muzium Budaya Borneo

KUCHING: Muzium Budaya Borneo (BCM) ngerikod lebih 360,000 pengusung sepemanjai taun 2023. Menteri Dagang Temuai, Industri Kreatif enggau Seni Pemerindang (MTCP), Datuk Seri Abdul Karim

Mi kolo digazet nyadi Pemakai Pesaka Menua

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’. Pekara nya mega

Batu Kawa deka bisi ‘water park’

KUCHING: Peranak ba Sitak Kunsil Nengeri (DUN) Batu Kawa deka terus ngasaika transformasyen pemansang lebuh pengawa ngerichah peluang dagang temuai ari perambu ngaga taman rekreasyen

BERITA TERBARU