SARATOK: Video catwalk 50 pemekit Pekit Kumang Gawai Online 2021 Trofi YB Datuk Ali Biju deka dibantai ba Facebook rasmi Ali Biju berengkah sehari tu, urung pukul 7 lemai.
Tuai Koordinator Pekit, Seman Endoi madahka mensia mayuh tau berengkah muai undi (like) ngagai ‘manuk sabung’ dikerinduka sida pengudah semua video catwalk dibantai lagi.
“Semua pemutus pekit bepanggai ba undi mensia mayuh, reti nya, mensia mayuh nyadi akim lalu YB Datuk Ali Biju semina nyadi pengatur aja.
“Arapka udah tu kitai sama bebasaka pemutus undi mensia mayuh lalu besampika pengawa kami ke ngatur pekit tu lanchar,” ku Seman.
