Menteri enggau rayat bela nerima vaksin ke sebaka

SARATOK: Sapit Menteri Pengeluar Kuasa enggau Pengeraja Asal, Datuk Ali Biju minta enggau ngarapka semua rayat meretika atur betuchuk vaksin kelimpah terus ngemeranka chara idup baru.

Ku iya, anang nangi laban vaksin Covid-19 ditemu likun, enti bisi pedis pan enda balat tauka raya laban bepuluh juta iku udah nerima vaksin ba selampur dunya.

“Kita anang kelalu arapka berita selebubu ngapa ti dikerembai sebelah media rama pasal bisi bida vaksin diterima bala pemesai tauka menteri enggau rayat.

“Enti sema vaksin tu mai pemedis ngagai kitai, enda patut perintah deka nejuka pekara baka tu nyadi. Semua kitai deka diberi vaksin ke sama,” ku iya lebuh dirandau udah tembu betuchuk vaksin, pagi tadi ba Dewan Sri Krian.

Berita penuh Ruai 3 pagila

Suara Sarawak