Menteri PH ti bejalaika pengawa manah nadai disekat tama Sarawak

KUCHING: Ketuai Pakatan Harapan (PH) nyengkaum menteri ari luar Sarawak ti deka datai kitu enggau tuju ‘provokasi’ deka disekat.

Kepala Menteri Datuk Patinggi Abang Johari Tun Abang Haji Openg madahka sida ukai deka menyati kuasa imigresen tang ngarapka bala ketuai PH bebasaka penyerakup menua tu.

“Enti sida datai enggau tuju ‘provokasi’ ti balat sereta enda bebasaka penyerakup menua sida tau disekat.

“Tang enti sida datai ungkup tanggungpengawa nyadi menteri tauka bejalaika pengawa manah kitai enda ulih nyekat,” ku iya.

Abang Johari bejaku munyi nya ba aum pemberita pengudah Nutup Konvensyen GPS 2019 di Palan Aum Borneo Kuching (BCCK) ditu, lemai tadi.