Menua Sebayang enda tinggal pemansang – Len Talif

TANJUNG MANIS: Peranak Kampung Sebayang diatu udah ngasaika mayuh penyamai asil pengeransing Perintah Sarawak nyendiaka perengka guna ngagai sida.
Menteri Muda Perambu Mengeri, Pengatur Tanah enggau Rampa Menua, Datu Len Talif Salleh madah, Sebayang siti ari genturung pendiau bansa Iban di sitak DUN Kuala Rajang enda kala ditinggal ari pemansang.
“Enti suba Sebayang semina ulih dilawa nengah jalai sungai tang diatu, sida udah bisi jalai darat deka ke Tanjung Manis enggau mengeri ke semak,” ku iya madah ngagai Suara Sarawak.
Nya alai, iya ngarapka peranak Sebayang terus sepenemu dikena nentuka mayuh agi pemansang ulih digaga ba menua nya.
Perintah Sarawak ku iya, tetap neruska agenda pemansang ke pemaik rayat dibanding enggau penyakal ke semina bejaku puang.
Ku iya, raban nya nadai perambu ngemansangka rayat lebih agi ba sitak Dun Kuala Rajang.
“Nya alai, aku minta peranak Sebayang anang nyukung penyakal tang pajakka sukung ngagai Gabungan Parti Sarawak (GPS) aja,” ku iya.
Apin lama ke udah Len begulai enggau peranak Sebayang ngetau padi.

Suara Sarawak