Menua ulu disikap palan dialisis

KUCHING: Perintah Sarawak deka bekerejasama enggau Serakup Bini Menteri Sarawak (Sabati) numbuhka palan dialisis tauka palan betuchi buah punggung kelebih agi ba kandang menua ulu.

Kepala Menteri Datuk Patinggi Abang Johari Tun Openg madah, diatu majak mayuh rayat Sarawak merinsa ketegal ditepan penyakit nya lalu perengka guna mega enda chukup.

“Naka ditemu aku, nadai palan betuchi buah punggung di Limbang enggau Kapit seraya di Sibu enggau Kuching perengkaguna tu enda tetangkup pemayuh tubuh pesakit nya.

“Nya alai kitai deka bekerejasama enggau Sabati numbuhka oalan tu ba kandang menua pesisir lalu kitai deka nambahka injin ke bisi diatu ba sepital,” terang iya.

Iya mansutka jaku nya ba Pengerami Makai Lemai Ngiga Belanja Sabati ba sebuah hotel tebilang ditu, malam tadi.

KENANG… Abang Johari, Juma’ani enggau bala kaban Sabati bukai begambar enggau sida ke gerah jari nyuaka pemeri. Gambar ALIEP NONI.