ARTIKEL

16 bansa mi kolo halal di Kuching. - Gambar Borneo Foodie

Mi kolo digazet nyadi Pemakai Pesaka Menua

Facebook
Twitter
LinkedIn
WhatsApp
Telegram

KUCHING: Pemakai ti dikerindu mensia mayuh di Sarawak, mi kolo diatu udah digazet nyadi siti Pemakai Pesaka Menua tauka ‘Makanan Warisan Kebangsaan’.

Pekara nya mega udah dipasuk ke dalam Gazet Perintah nengah website Opis Luyar Menua kena 23 Februari tu tadi.

Pengelala nya mega diberi di baruh Akta Warisan Kebangsaan 2005 enggau Perisytiharan Objek Warisan 2024.

Komisioner Pesaka, Mohamad Muda Bahadin, madah pemakai nya dirintai nyadi objek pesaka di baruh kategori pemakai besehari-sehari begulai enggau ‘burasak’ sereta asi ‘ambeng’ kena 16 Februari tu tadi.

Sekeda pemakai bukai ti mega dirintai nyadi pemakai pesaka iya nya ‘dodol kukus tahi minyak’, kuie genggang/kuie lapis, kuie karas enggau ‘uthappam’ di baruh kategori kuie, jeruk tuhau (pemakai pemuka ‘selera’), bak kut teh (sup) enggau ai katira (ai irup).

Semilan pemakai pesaka Sarawak udah dirintai nyadi Pemakai Pesaka Menua iya nya manuk pansuh, hinava tauka umai enggau bubur pedas Sarawak ti dikenuku ba taun 2009, sayur midin guring, kek lapis Sarawak, kelupis, tebaloi enggau celorot ti dikenuku ba taun 2015 sereta penyaram ba taun 2018.

Mi kolo nya menu ti dibai komuniti China ke datai ngagai Sarawak lebuh jeman pemerintah Rajah Brooke kelia.

Taja pia, kaul budaya ti bemacham di Sarawak ngujung ke komuniti bukai, nyengkaum Melayu, mega ngasilka mi kolo halal.

Ba komuniti Iban mega, mi kolo dikumbai mi rangkai.

Pemakai nya mega dinah bemacham bansa baka mi kolo dagin, mi kolo manuk enggau mi kolo pemakai tasik.

Udah nya, tiap bansa mi ti dinah dipegulai enggau sup, sambal kichap, daun bawang, daun sup sereta sambal pedas.

BERITA LAIN

Perrez Riverside palan manah alai bemarin

PELILIH Padawan chukup tebilang enggau palan ngelantang ati bepelasarka rampa menua lalu siti ari palan nya baka Perrez Riverside. Perrez Riverside bepalan ba Jalai Puncak

BERITA TERBARU

Rumah musnah terbakar, penghuni selamat

MIRI: Sebuah rumah di Kampung Pa Umor, Bario milik Timbalan Menteri di Jabatan Premier (Buruh, Imigresen dan Pemantauan Projek), Datuk Gerawat Gala, musnah dalam insiden

Enam kereta terbakar akibat pembakaran terbuka

LIMBANG: Enam buah kereta di luar bengkel di Jalan Taman Desa Babahanan di sini musnah dalam satu kebakaran disebabkan pembakaran terbuka longgokan kayu berhampiran. Jurucakap

Saingan harga tiket penerbangan ke Sarawak

KUCHING: Pengumuman syarikat penerbangan milik Sarawak yang dijangka beroperasi pada tahun hadapan diharap dapat menurunkan harga tiket kepada anak Sarawak. Adun Tupong Fazzrudin Abdul Rahman