ARTIKEL

‘Minggu Solidariti Palestin’ enda nipakka Malaysia Madani

Facebook
Twitter
LinkedIn
WhatsApp
Telegram

KUCHING: Palan pelajar diparit enggau penyarut Israel-Palestin endang enda nipakka juluk Malaysia Madani, ku Kaban Parlimen Mas Gading, Mordi Bimol.

Iya madah, taja Minggu Solidariti Palestin diatur Opis Menteri Pelajar Malaysia (KPM) nya ngena rambai jaku pengelikun enggau nyaga mensia lalu nadai ngaul pengawa ti kasar.

Tang ku iya, mayuh penemu orang madah, chara nya enda engkeman enggau besibil enggau prinsip Malaysia Madani sereta ngelanggar konsep ti meri pemerat ngagai pengelantang enggau penyerakup rayat.

“Nama kebuah malut bala nembiak sekula enggau pengajar? Nadai pematut ngamahka runding bala anak ti empai nemu reti utai ti nyadi ba dua menua nya.

“Pekara dikenangika kitai ila, tuju tauka peragam pasal pengawa kasar enggau ngemedis orang. Semua tu semina deka ngasuh orang ringat enggau benchi.

“Pekara negatif baka tu deka meri empas ngagai pengasai ati enggau psikologi ba;a nembiak ti tau ngeruga pengawa sida ti belajar.

“Tambah mega, kitai nerima mayuh sebana kelebih agi ari apai indai pasal pekara tu lalu udah nyadi tanggungpengawa aku nyadi pengari rayat mai sada rayat ngagai bala tuai perintah,” ku iya nengah sebengkah penerang tadi.

Mordi madah baru, bantah ngagai pengawa KPM nya mega bisi dibantaika 17 raban gempung ukai dikuasa perintah (NGO) ari Sabah enggau Sarawak, kelimpah nerima perati ari raban Uskup Kuching.

Chairman Sekula Mission, Bishop Datuk Danald Jute mega bisi ngeluarka jaku gerah ngagai semua sekula mission ngambah mantah pengawa ti udah nerima timbal negatif ari mensia mayuh ti negika pengelikun lalu nagang sebarang pengawa ti ngasuh penyerakup pambar.

“Nya alai KPM patut meri perati ngagai pengawa narak penyiru ngagai mensia, pengelantang semua, penyayau, basa enggau talukka pengelikun,” ku iya.

Ngenang silik pekara nya, iya begulai enggau Kaban Parlimen Sibu Oscar Ling udah mantaika pekara nya terus ngagai raban KPM lebuh pengawa meri penerang Bajet 2024 ba Parlimen.

Pekara nya dibantai terus ba mua menteri enggau sapit menteri lalu minta sekula ba Sarawak dikelaung ari ngatur program nya.

“Aku udah nerima timbal positif ari Menteri KPM ke alai sida nyamin deka beratika baru pengawa tauka isi program sepemanjai minggu nya lalu deka diubah nitihka pematut enggau peminta,” terang iya.

LAIN-LAIN BERITA

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah

Projek ART Johor bechuntoka pemujur Sarawak

KUCHING: Sistem Transit Aliran Autonomi (ART) di Sarawak deka nyadi malin ungkup projek ART ti deka dipejalai di nengeri Johor. Perintah Nengeri Johor benung ngelanggur

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

BERITA TERBARU

Lenyau mentor ti bepenau

KUCHING: Penau Tun Pehin Sri Abdul Taib Mahmud enggau bisi runding strategik mujur mai pemansang moden ngagai Sarawak. Menteri Industri Pemakai, Komoditi enggau Pemansang Wilayah