ARTIKEL

Misha tekenyit sereta gagit ati nerima berita manah tu

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Produser Filem, Misha Minut Panggau madahka diri chukup gaga laban Filem Belaban Hidup diatu udah nerima 11 iti anugerah ari menua luar

“Aku mega berasai temegah ati laban Filem Belaban Hidup tu udah mandangka filem Dayak udah diaku sereta diterima menua luar.”

Nangkan ke nya, iya madahka diri tekenyit tang gagit amat nerima berita manah nya.

“Enda nyangka amat filem Dayak tu deka menang anugerah Best Feature Film.

“Baka ke ditemu kitai, filem ti dipekit dalam anugerah tu endang filem ke manah magang.

MISHA MINUT PANGGAU

“Chukup gaga laban Belaban Hidup diatu udah nerima 11 iti anugerah ari menua luar.

“Aku mega berasai temegah ati laban Filem Belaban Hidup tu udah mandangka filem Dayak udah diaku sereta diterima menua luar,” ku Misha nerang lebuh dirandau Suara Sarawak.

Ngelansa mimit pasal jalai cherita Filem Belaban Hidup: Infeksi Zombie tu, Misha madahka cherita tu bepun ari Dr.George ke deka ngujika vaksin digaga iya.

Pengudah vaksin nya puntan sereta ngenataika penusah, dia Dr George enggau bala iya ngelarika diri ngagai Borneo lalu nangkap anak patu sereta orang menua nya dikena ngujik vaksin ditengkebang iya.

Vaksin ti dituchuk ngagai sida ngujungka peranak dia nyau mali nyadi mangah.

Sekeda ari sida ke dikurung udah ngelarika diri ke babas lalu rembus ngagai menua bansa Dayak.

Siku ari sida ke sama ngelarika diri nya udah kena igi penyakit pengudah iya diketup lalu ngerampit bala bukai.

Gadang, anak tuai menua Dayak bendar ngetan sereta nyaga pengelikun sida serumah ari diserang zombie tu.

Ulih ke enda Gadang enggau bakih iya benama Sidi ngetanka menua nya?

Deka nemu pasal pengujung cherita tu, anang enda ingat meli tikit lalu datai meda ba panggung ila.

Entara pelakun dalam filem tu iya nya Pekin Ibrahim, Altimet, Pablo Amirul, Mellisa Anna, Cassidy Panggau enggau penanyi Indonesia, Tegar sereta pelakun ari menua Slovakia, Katrina Grey.

BERITA LAIN

Belematika pemesai reti turai sejarah Sarawak

SIBU: Pengerami ‘722 Run For Sarawak’ udah dikelala nyadi sebengkah pengerami ti besai reti nyerumba Hari Sarawak. Sapit Menteri Pengerai Mensia Mayuh, Pengawa Berumah enggau

BERITA TERBARU

SU Enterprise juara edisi sulung

KOTA SAMARAHAN: Pasukan SU Enterprise FC berjaya merangkul gelaran juara Kejohanan Bola Sepak Veteran 2024 anjuran Unit Saberkas Kampung Tanjung Bundong, Kota Samarahan. Skuad yang

Tingkatkan kesedaran bayar balik pinjaman

MUKAH: Perbadanan Pembangunan Perumahan (HDC) mendedahkan sebanyak RM477,189 jumlah tunggakan bayaran balik Skim Pinjaman Rumah Panjang direkodkan di Bahagian Mukah sehingga Julai 2024. Pengerusinya Abdul