BERLIN: Siku model indu asal Jerman nesal ati pengudah beputung ngemanjaika kaki diri ti beungkus £130,000 (RM767,127).
Theresia Fischer, 31, madah, ex-laki iya mejal iya bejalaika pengawa beputung nya laban iya semina ngembuan peninggi 139 sentimeter (cm).
Ba pengawa beputung nya, sebatang teleskopik ulih diatur dipasuk dalam tulang kaki iya ti ulih ngasuh kaki iya berinsur panjai.
Indu nya madah, ex-laki iya rindu meda indu ti tinggi raras tubuh lalu ngasuh iya ngemanjaika kaki diri nyentuk 14 cm.
“Sebedau tu, aku gaga enggau raras tubuh diri tang diatu aku nanggung malu sereta nesal pengudah beputung kaki,” ku iya.
