KUCHING: Sarawak deka berengkah ngena servis unit ngiga enggau nyelamat bukit (Mosar) kelebih agi ba pelilih Gua Mulu ti suah nyadi palan pematak temuai menua luar.
Ketuai Direktor JBPM Datuk Mohamad Hamdan Wahid madahka raban Mosar tu nyengkaum sida raban bomba volunteer ti dipilih ari raban malin gunung.
“Sida tu deka nyadi malin temuai ti matak palan ti ngembuan struktur enda likun baka bukit enggau gua.
“Servis tu dipejalai bekau ari penusah ti enda disadang kala nuntung bala temuai lebuh sida bejalai ngagai menua kitai,” ku iya.
Hamdan madah munyi nya ba aum pemberita pengudah bejadika Program Ngenegapka Ketuai Zon enggau Balai Bomba di Palan Aum Penview (PCC) ditu, kemari. (Berita penuh ulih dipeda pagila)
