MP Saratok ngabas, meri chek MRP ngagai rayat baka selama

SARATOK: Pengawa bejalai ngabas seraya nyuaka chek Projek Mit Pemansang Menua Pesisir (MRP) ngagai peranak rumah panjai ba menua tu dipejalai baka selama.

Sapit Menteri Pengeluar Kuasa enggau Pengeraja Asal ke mega Kaban Parlimen Saratok, Datuk Ali Biju madahka pejalai bala iya ari Palan Servis Komuniti Sitak Parlimen Saratok endang nitihka Atur Standard Pengawa (SOP) ti udah ditetapka perintah.

Ku iya, semua pengawa diatur diatu ngena chara baru dikena kitai nyaga pengelikun enggau pengerai diri empu sereta orang bukai ari pandemik Covid-19.

“Pengawa tu enda ulih ditangguh laban ngaul pengelantang rayat di menua nya, sida begunaka belanja dikena ngatur pengawa.

“Semadi mih penanggul ke enda ulih diseliah alai kitai enda ulih ngenataika diri, tang seagi kitai chukup jaga, aku pechaya semua nya nadai nanggul enggau ulih diputarka kitai,” ku iya.

Ali mansutka penemu nya lebuh dirandau Suara Sarawak bekaul pejalai ngabas enggau nganjung chek MRP ngagai sekeda rumah panjai kandang seminggu dua tu.

Adun Krian nya madah, Komiti Pemansang enggau Pengelikun Genturung Pendiau (JKKK) enggau Gerempung Indu ba rumah panjai begunaka belanja dikena ngatur pengawa ke udah diperambu.

Berita penuh Ruai 6 pagila.

Suara Sarawak