M’sia agi suntuk pengajar

KUALA LUMPUR: Opis Menteri Pelajar diatu napi penanggul suntuk pengajar nangkup peminta ngajar ba sekula selampur menua.

Sapit Menteri Pelajar Teo Nie Ching nerang, penanggul tu bepun ari kus dipelajar enda nipakka peminta tauka opsyen dikedeka sekula enggau graduet ari Palan Pematih Pengajar Malaysia (IPGM) ninting taun.

Ku iya, enti sema penanggul tu enda diputar manah tau nekul pengawa ngajar enggau belajar ba sekula lalu ngasuh penanggul nembiak tinggal ba pelajar.

“Ambika chunto, ba sekula primari perintah, lebih ari 6,000 pengawa puang nyadi pengajar tang graduet ari IPGM semina 1,676 ti deka dianjung ngajar ba sekula dalam bulan November tu.

“Dikena mutarka penanggul tu, kitai deka nyiri pengajar interim dalam bulan Februari tu lalu perintah nagit urung 3,000 pengajar ungkup sekula primari perintah sereta 800 ba sekula primari bansa China,” ku iya lebuh nyaut tanya ba Dewan Rakyat, ditu kemari.

Iya nyaut tanya tambah Nik Nazmi Nik Ahmad (PH-Setiawangsa) ba pekara ti patut diperunding dikena ngenegapka skim pengajar sementara enggau interim nyadika alternatif mutarka penanggul suntuk pengajar.

Suara Sarawak