ARTIKEL

Mural deka didero ba palan sejarah semak tebing Batang Lupar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

Sekeda palan ti deka endur ngemujurka Projek Mural Simanggang ba tebing Sungai Batang Lupar.

SIMANGGANG: Palan lapang asal tebing Batang Lupar ditu deka dikemansangka nyadi siti endur narit bala temuai nengah pengawa nero mural ba endur nya.

Kaban Kaunsil Negeri (Adun) Lingga, Dayang Noorazah Haji Awang Sohor temegah ati enggau buah runding sereta visyen ke ulih meri seput baru ngagai palan nya.

Ku Dayang, ba maya ke sebaka, pengawa nya ulih mantu nyaga palan nya ti chukup besejarah ngagai peranak menua nya dia.

“Pengawa nero mural ba endur nya ulih narit bala temuai datai ngagai Simanggang kitu lalu bala nembiak mega ulih datai begempuru dia.

“Mural tiga dimensyen enggau abstrak nya deka nyadi siti palan ke manah dilawa bala temuai sereta ulih nyadika palan endur orang ke baru melah pinang begambar,” ku iya.

Dayang mansutka penemu nya lebuh bejadika Projek Mural Simanggang (PMS) ba Palan Main Asal, Tebing Sungai Simanggang, apin lama ke udah.

Nangkan nya, Sapit Tuai Pegawai Eksekutif Kaunsil Seni Sarawak (MSS), Awang Putrayusrie Awang Reduan madah, PMS nya sebengkah inisiatif MSS kena ngerembaika seni kreatif ba Sarawak.

Ku iya, mural nya deka didero bepelasarka seni sereta main asal ti engkeman setipak enggau ikon mengeri Simanggang ke dikalihka nengah chara seni visual baka gambar benak, baya Bujang Senang, burung achang enggau ikan bulu.

“Gambar ke bepelasarka pupu bansa ke nguan menua Simanggang tu mega deka dipandangka nyadi siti gambar mural ba endur nya lalu mural nya dipelabaka tembu dalam timpuh seminggu.

“Pengawa nero mural ba palan nya sebengkah projek pemun MSS ba Pelilih Simanggang ditu lalu ngarapka sepengudah tu mayuh agi bala gerempung tauka ejensi perintah ngambi bagi ba pengawa ngemansangka industri seni kreatif nya.

“Nya siti ari inisiatif kena ngemansangka komuniti ditu kena nyungkak pengelantang pengidup komuniti enggau pemansang ti engkeman ba ditu,” ku padah Awang.

Projek nya asil kerejasama MSS begulai enggau Kaunsil Pelilih Sri Aman sereta Universiti Teknologi MARA (UiTM) Pampang Sarawak ke diatur Pensyarah Kanan Kolej Pelajar Sekula Seni Kreatif UiTM, Mohd Razif Mohd Rathi lalu disempulang 10 iku nembiak ari Fakulti Seni Kreatif UiTM.

Sama ngulu program nya Koordinator Palan Transformasyen Komuniti Universiti (UCTC), Dr Azlina Bujang, PJI UiTM Pampang Sarawak, Anthony Abel Chendan enggau Sekretari Kaunsil Pelilih Sri Aman, Tay Guan Huat.

Pia mega, pengari MSS, Abang Shahfian Abang Morshidi, Sapit Pegawai Nembiak enggau Lumba Pelilih Sri Aman, Mohd Israq Ismail sereta raban Kaunsil Pelilih Sri Aman (MDSA), Bahtiar Haji Mathan enggau Kr. Suhaili Abang Abu Samy bela ngulu program nya.

Adun Lingga, Dayang Noorazah (empat ari kanan) bejadika Projek Mural Simanggang apin lama ke udah.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU