Mutar penusah rayat dulu, politik tau dudi – Willie

PADAWAN: Kaban Parlimen Puncak Borneo, Willie Mongin apin ngaga pemutus nyereta sebarang parti politik naka diatu.

Ku Willie, naka diatu iya bisi kebuah kediri empu taja bisi sekeda parti politik mai nyemilik sida.

“Bisi dua tiga parti ti datai nanya tang aku apin ngaga pemutus.

“Aku ngasaika kitai patut mutarka penusah Covid-19 enggau penanggul rayat dulu.

“Enti bisi awak, aku deka beratika parti ni deka disereta aku,” terang Willie pengudah ngabas kebun lada Betis Simam ba Kampung Jambu, ditu tadi.

Willie mega madah, naka diatu iya agi ba blok ngatika diri di Dewan Rakyat.