Muzik Kafe, Palan Pemerindang enggau Bistro bedau tau dibuka

KUCHING: Musik Kafe, Palan Pemerindang enggau Bistro ditetap bedau dikemendarka beoperasyen, ku Datuk Amar Douglas Uggah Embas.

Chairman Komiti Penyangga Penusah Ngenyit Nengeri Sarawak (JPBNS) nya madah, jaku tangkan enggau gerah nutup premis deka dipadah ngagai tauke kedai, serikat tauka supermakit ti enda nitihka SOP ke udah ditetap.

Dulu ari nya nya, iya madah bisi 79.96 peratus kes positif di Sarawak udah ditemu suman lalu dikemendarka pansut ari sepital.

Uggah ti mega Sapit Kepala Menteri madah penyampau nya nyengkaum empat kes ke dirikodka sehari tu.

“Ari tiga kes nya, tiga kes dirikodka ari Sepital Besai Sarawak (SGH) lalu siti kes dikemendarka pansut ari Sepital Sibu.

“Tu lalu ngujungka bisi 435 kes positif ba nengeri tu udah suman,” ku iya.

Uggah madah munyi nya ba aum pemberita di Begunan Dun Lama ditu, lemai tu tadi.

Suara Sarawak