ARTIKEL

Muzium polis keterubah Sarawak ditumbuh

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Balai Polis Siniawan ti lama beumur lebih 100 taun ba Bau deka digaga nyadi Muzium Polis Diraja Malaysia (PDRM) keterubah ba Sarawak.

Tuai Polis Sarawak, Datuk Mohd Azman Ahmad Sapri madah, pengawa ngaga muzium nya nengah agih belanja urung RM6 juta disadang deka berengkah digaga ba taun 2024.

“Kami udah mantaika pekara tu ngagai Tuai Polis Menua, Tan Sri Acryl Sani lalu Perintah Sarawak setuju nanggung semua belanja dikena ngaga muzium PDRM tu.

“Muzium tu digaga ngena agih belanja Perintah Nengeri, taja pia kitai agi nganti sekali ke agih belanja tu bisi ditambah tauka enda laban tu muzium PDRM ti keterubah ba Sarawak,” ku iya.

Azman mansutka jaku nya rambau aum pemberita pengudah Bejadi Balai Polis Siniawan baru ba Pasar Siniawan ditu, kemari.

Ku iya, perambu ngaga muzium nya endang asil ari penemu ti dipansutka ADUN Serembu, Miro Simoh sereta nerima kerejasama ari Opis Muzium Sarawak enggau ejensi bekaul.

Balai Polis Siniawan ti lama beumur lebih 100 taun nya deka mandangka pekara besai ti nyadi dalam sejarah polis ba Sarawak.

Pengawa numbuhka muzium nya deka mandangka turai sejarah polis kelebih agi rambau jeman Perintah Sultan Brunei, koloni British, serang Jipun, jeman merdeka sereta penumbuh Malaysia.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU