Nadai endur MPKKP nyelepak di Meradong

BINTANGOR: Serakup Tuai Rumah Meradong betuaika Rantie Ayai selubang penemu mantah pengawa numbuhka Kaunsil Pengatur Genturung Pendiau Perintah Besai (MPKKP).

Ku Rantie, sida endang ngenggaika MPKKP lalu nadai peluang komiti nya ulih nyelepak ba kandang menua Meradong.

“Nadai endur MPKKP ditu. Kami endang sepenemu enda nerima.

“MPKKP tu semina deka ngasuh pambar, rumah panjai nyau enda lantang endur diau,” ku iya ke nyadi chairman serakup nya.

Rantie mansutka penemu nya lebuh ngetuaika aum mantah perambu numbuhka MPKKP ba Bintangor ke digulu 150 iku bala tuai rumah, ditu tadi.