Nadai kes positif baru enggau kes suman seharitu

KUCHING: Kes positif di Sarawak mengkang 569 kes naka seharitu berindik ari nadai kes positif baru dirikod nyadi ba nengeri tu.

Sekretariat Komiti Penyangga Penusah Ngenyit Nengeri Sarawak (JPBNS) madah, naka lemai tu nadai kes baru positif Covid-19 ke udah suman sereta dikemendar pansut ari sepital.

Tu ngujungka pesakit kes positif Covid-19 ke udah suman enggau dikemendar pansut ari sepital mengkang 535 iku tauka 94.02 peratus.

Kelimpah ari nya, JPBNS madahka bisi 17 iku agi diperubat ba wad isolasyen sepital lalu kes pemati ketegal igi penyakit nya mengkang 17 iku.

Nangkan nya, bisi 20 kes Pesakit Agi Dipatau (PUI) diripot tadi alu empat kes agi nganti pemutus ari makmal.
-abis-

Suara Sarawak