CHICAGO: Siku lelaki ari Illinois, Amerika Syarikat sebana madahka diri balat dikeduan seumur idup ketegal nadai rang ari ada.

Joseph Williams, 41, napi penanggul congenital ti jarang nyadi sereta ngujung ke iya napi penyakit orofacial laban sel tubuh ti bemutasyen.

Pekara nya ngujung ke iya enda ulih bejaku tauka makai ngena mulut lalu iya semina bejaku ngena jaku isyarat enggau bepanggai ba hos dikena makai.

Nya alai, Williams nadai pengandal ngagai diri empu mujur tetemuka sulu ati ti chukup sayauka iya laban iya ngumbai diri deka bujang seumur idup.

“Aku betemu enggau bini aku, Vania ba taun 2019 lalu keterubah betemu, kami semina bekaban aja lalu bela labuh pengerindu sereta nikah ba taun 2020.

“Aku pechaya mayuh orang nyengkaum aku empu enda pechaya diri ulih bebini.

“Aku nemu mayuh orang ngumbai aku jai gamal tang aku mega bela ngembuan ati, pengasai enggau runding baka orang bukai,” tusui iya.