SYDNEY: Bepuluh bangkai sebansa utai idup dalam tasik ditemu tedampar ba tebing tasik Australia pengudah menua nya napi musin landas berapa minggu ti udah.
Bala pakar balat tekenyit lebuh tetemuka naga rumput tasik nya mayuh tedampar ba tebing tasik nengeri New South Wales.
“Pekara tu nyadi ketegal sekeda gempung pekara ti nyadi nyengkaum penyai gaya hari, perengka kamah ti anyut ke tasik enggau umbak besai,” terang Profesor Ekologi Tasik Universiti Teknologi Sydney, Dr David Booth.
Ukai naka nya aja, naga rumput tasik nya bela ditemu tedampar ba tebing tasik Cronulla, Malabar enggau Central Coast.
“Penusah ti nyadi tu ulih ngasuh bansa jelu tu punas sereta ulih ngeruga ekosistem tasik,” ku Tuai Pemansik, Dr Selma Klanten.
