KUCHING: Palan Lumba, Universiti Malaysia Sarawak (Unimas) diatu ditukar nama ngagai ‘Arena Tun Tuanku Haji Bujang’.
Mandal Chanselor Unimas, Professor Dr. Mohamad Kadim Suaidi madah, pengawa nukar nama endur tu ungkup ngangkatka nama Tun Tuanku Haji Bujang, ex-Tuai Pemegai Menua (TYT) Sarawak ke-2 siti kelai basa enggau ngenukuka jasa Tun ba Tanah Sarawak.
Buah runding nukar nama palan lumba ba Unimas tu dikena ngangkatka nama ex-Tuai Pemegai Menua Sarawak.
“Nya deka ngingatka kitai kelebih agi nembiak rebak ti deka ulih nemu sereta ngenang jasa sida ti udah megai enggau nyaga pengelikun menua kitai kelia,” ku iya.
Kadim bejaku munyi nya lebuh meri licha beserimbai enggau pengawa bejadika nama Arena Tun Tuanku Haji Bujang’ di Stadium Tertutup, Palan Sukan, Unimas, pagi tadi.
