Nama jalai ngangkatka nama pemesai Iban di Serian diperunding

SERIAN: Nama pemesai Iban ditu deka diangkat nyadi nama jalai kelai ngemesai enggau ngenang jasa sida.

Kaban Parlimen Serian ke mega Duta Khas Menteri Besai Ke Asia Timur (Jipun, Korea Selatan enggau Taiwan), Datuk Seri Richard Riot Jaem, madah, perambu ngaga nama jalai ti ngangkatka pemesai ari bansa Iban enggau Melayu ke bisi ba Serian endang patut endar diperunding.

Ku iya, pekara tu ukai semina meri basa ngagai pupu bansa ke nguan menua tu, tang mega kelai kitai ngenang pemesai jasa sida kelebih agi bala pemesai.

“Tambah mega, apin bisi jalai ti ngangkatka nama pemesai Iban kelimpah ari pemesai Bidayuh enggau China.

“Nya alai ba penemu aku, patut endar kitai bisi jalai ti ngangkatka nama pemesai menua tu, baka udah digaga kitai ba tiga batang jalai ke bisi ditu,” ku iya.

Riot mansutka jaku nya lebuh pengawa bejadika Jalai Chung Hua ditu, pagi tadi.

Suara Sarawak