Nama kebuah enggai nurun ari tiang Telekom?

KANOWIT: Terus nyadi tanda tanya, nama kebuah siku lelaki ke empai dikelala agi rindu diau ba atas tiang pemanchar telekom di Bukit Memaloh, ditu.

Sehari tu hari kedua lelaki nya udah jejanggit ba tengan tiang pemanchar nya, ku penerang ari PPgB Arrahman Chik.

Kenu ku iya, sida terubah nerima kangau telefon pasal siku lelaki ke enda dikelala niki tiang pemanchar telekom.

Berindik ari ripot nya, urung 10 raban polis ari Indu Opis Polis (IPD) Kanowit bisi datai ngesah kia.

Penatai sida tu disempulang empat staf Sepital kanowit enggau staf opis Telekom empu.

“Sehari-hari tadi kami bendar ngumbuk ngasuh lelaki nya nurun tang lalu nadai dikeibuh nyentuk sida ke dibaruh madah diri bisi ditikau enggau skru sereta papung besi ari atas.”

“Pengawa ngumbuk terus puntan nyentuk lemai kemari enggau sehari tu diumba gaya hari enda berapa manah,” ku iya.

Suara Sarawak