Nama Unimas majak pegari asil pemujur Pelin Strategik 2016-2020

KOTA SAMARAHAN: Pejalai transformasyen lima taun Unimas enggau Pelin Strategik 2016-2020 udah mai universiti nya mansang ke mua.

Mandal Chanselor Unimas, Prof Datuk Dr Mohamad Kadim Suaidi madahka pekara nya ngemegahka sida dalam nyapai pangka ti manah ba pejalai transformasyen universiti ti ngujungka sida bulih sekeda basa ari entarabansa kelebih agi ‘Times Higher Education World University Rankings’ dan ‘QS World University Rankings’.

“Nyadi sebuah universiti ti komprehensif, basa tu beguna dalam negapka nama Unimas ba pelasar entarabansa laban ulih nyadi universiti ti dipilih Malaysia enggau Borneo.

“Taja pia, Unimas enda dikelaung nerima pemar pengudah pandemik Covid-19 kelebih agi ba pekara wang, pengatur sumber enggau gaya gawa,” ku iya dalam siti penerang, kemari.