ARTIKEL

Nanta nyukung penemu enda nerima parti luar

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Datuk Seri Alexander Nanta Linggi nerima manah penemu Premier Sarawak Datuk Patinggi Tan Sri Abang Johari Tun Openg ti enda ngemendarka parti (luar) ti bepengkalan di Semenanjung Malaysia ngerembaika sayap sida kitu ungkup Pengawa Bepilih Besai (PRU-15) ti deka datai.

Ku Sekretari Besai Gempung Parti Sarawak (GPS) nya, Abang Johari udah suah ngeluarka penerang nya ke alai GPS deka bediri ba semua 31 penuduk rambau PRU tu ila.

“Tu nyemetak nunjukka penegap runding parti kami (GPS) enggau nya aja meh jam diatu,” ku iya lebuh ditanya Suara Sarawak apin lama.

Lebuh ditanya baikka GPS deka berandau meri peluang ngagai parti bakih ti bepengkalan di Semenanjung, Nanta nyemetak madahka iya enda deka ngeluarka sebarang penerang tauka melaba.

“Kami nitihka jaku Abang Johari laban iya chairman GPS, nya meh buah runding GPS,” ku iya.

Iya madahka ungkup PRU ti deka datai, GPS udah besedia.

“Tambah mega pengawa bepilih besai nengeri baru udah tembu, raban komiti kami seruran besedia enggau nyikap diri napi pengawa bepilih besai ti deka datai.

“Bagi kami di Parti Pesaka Bumiputera Bersatu (PBB), kami deka ngaga aum tiga taun sekali bulan June tang maya nya mega pampang kami deka ngatur aum berandauka isu politik.

“Nya alai, pekara nya mayuh mantu kami nyikap diri napi pengawa bepilih enda lama agi,” ku iya.

Dulu ari nya, dalam randau Abang Johari sebedau pengawa bepilih besai nengeri bulan Disember taun siti nyin kemari, Presiden Parti Pribumi Bersatu Malaysia (Bersatu) Tan Sri Muhyiddin Yassin madahka pemutus enggau sempekat udah digaga iya nya Bersatu deka nyukung GPS ba pengawa bepilih besai nengeri enggau enda nirika sebarang chalun ari parti sida.

DATUK SERI ALEXANDER NANTA

BERITA LAIN

Jaga manah ‘Kumang Menua’ kitai

KUMANG ba budaya kitai Iban chukup besai bendar reti lalu nya ngenang pemajik, pemintar, pemanah budi basa enggau status siku indu dara. Nya alai, ukai

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

‘JUH RAON’ serikan hari kedua HAWANA 2024

KUCHING: Sambutan Hari Wartawan Nasional (HAWANA) 2024 yang memasuki hari kedua hari ini diisi dengan pelbagai program bukan hanya bersifat ilmiah, namun turut diserikan dengan

Liga Super 2024/2025: Kuching tewas di Likas

BINTULU: Hasrat Kuching City FC untuk mengutip sebarang mata pada aksi ketiga mereka dalam kempen Liga Super 2024/2025 tidak kesampaian. Ia berikutan kekalahan tipis 2-1