Nasip setinggan agi diperunding

KUCHING: Penanggul bekaul enggau komuniti setinggan ba Pendam Gena tauka Pendam Tusur di Jalai Chawan agi dalam randau.

Sekretari Politik Kepala Menteri Petrus Igat Mathias madahka Gerempung Ketuai Raban Bansa Enggau Tuai Rumah Bansa Iban Bagi Menua Kuching (Pemaik) udah ngempung penerang ari 63 pintu bilik ba genturung pendiau nya.

“Kami benung berandau enggau bala komuniti ditu bekaul enggau pengawa mindahka sida sereta mutarka penanggul bekaul bukai.

“Pia mega, kami deka berandau enggau Perintah Sarawak sentang chara mindahka sida ngagai genturung pengentap pendiau baru,” ku iya nerang.

Petrus madah munyi nya lebuh dirandau Suara Sarawak pengudah bejadika Aum Besai Ninting Taun (AGM) Ke-4 Pemaik ba sebuah hotel ditu, kemari.

BESAI PENGANDAL… Petrus andalka Pemaik ulih mantu mutarka penanggul setinggan ba tanah pendam Jalai Chawan ditu.

 

DIAU NGAMPAR… Sekeda ari peranak ditu ditemu nirika rumah nadai pemendar ba tanah pendam Jalai Chawan.