Nembiak diatu nentuka pemansang jemah

KUCHING: “Enti deka meda baka pendiau menua jemah ila, nyadi kitai patut berati bakani pendiau raban nembiak diatu”.

Munyi nya ku Menteri Nembiak enggau Lumba Datuk Karim Hamzah bekaul enggau pemesai reti tanggungpengawa raban nembiak dalam pemansang sesebengkah komuniti.

Ku iya, nyema nembiak tauka sida ke biak ngaul diri enggau pengawa ke enda menuku baka salah guna dadah nyengkuam penanggul rama, nya deka ngachau nengeri enggau menua jemah ila.

“Nya alai, opis menteri kitai ngembuan tanggungpengawa nentuka raban nembiak kemaya hari tu nyadi waris sereta penabat ngagai iring ketuai dalam komuniti, nengeri enggau menua.

“Nyadi kitai patut ngatur Program Pejalai Nembiak tu dikena ngedut kaul kitai ba opsi menteri begulai enggau raban nembiak sereta deka meda genap juluk sida laban raban sida tu endang beguna amat ngagai menua,” ku iya rambau Program Pejalai Nembiak Sarawak 2020 ke-12 di Dewan SMK Balai Ringin Serian kemari.

Suara Sarawak