Nembiak lelaki lemas ba Sungai Beladin udah ditemu

BELADIN: Siku nembiak lelaki ti diripotka lemas ba Sungai Beladin kena Hari Tiga tu tadi udah mujur ditemu raban PPDA enggau EMRS urung pukul 11.40 pagi tadi.

Nitih penerang ke dipadah ke PgB Nik Afiq ketua Zon 3 Sarawak. Sida iya ngena chara ‘surface searching’ ngiga Muhammad Izzat, 16 ke dipelaba lemas ba sepemanjai sungai Beladin.

Pengawa nyelamat enggau ngiga nembiak nya sepemanjai tiga hari ke udah tu betuaika PPgB Vincent Yabi ari Balai Bimba enggau Penyah Penusah Betong begulai enggau PBK I Henry Jugah.

Pengawa ngiga enggau nyelamat nembiak nya disaup bala raban Polis, Raban Penyaga Pengelikun Mensia mayuh (APM), RELA enggau mensia mayuh.

Bela nyereta pengawa SAR tu Kaban Kunsil Nengeri (Adun) Beting Maro Dr. Razali Gapor.

Tubuh niang udah diserah ngagai piak Polis.

Ungkup penemu, kena Hari Tiga siku nembiak benama Muhamad Izzat Farhan Ismail ari Kampung Hulu Beladin diripotka lenyau lebuh ke begulai enggau bala bakih iya main lumba perau di Sungai Beladin.

Suara Sarawak