Nembiak lelaki nyau deka bebadi aksiden kediri

SIBU: Siku nembiak lelaki nyau deka bebadi nyawa lebuh kerita iya ensayar ke tisi jalai lalu labuh ke dalam parit kena malam tadi.

Palan Operasyen Bomba ba sebengkah penerang kemari madahka penusah aksiden kediri nya nyadi ba simpang lampu trafik Pasar Sungai Merah.

Penerang nya madah, raban sida nerima kangau ari mensia mayuh pasal penusah nya urung pukul 8.39 malam.

“Balai Bomba enggau Penyah Penusah (BBP) Sungai Merah udah ti nerima kangau nya lalu ngasuh raban sida ngesah kin.

“Lebuh datai dia, komander operasyen madahka sebuah kerita dalam parit lalu deriba mujur ngemansutka diri enggau likun,” ku penerang nya.

Nambahka nya, raban bomba semina matau endur penusah nyadi nentuka pengelikun mensia mayuh sebedau mulaika diri ke balai.

“Lelaki beumur 23 taun nya mega nadai bakal,” ku iya.

Suara Sarawak