Nembiak likun agi ba palan belajar udah rejister

KUCHING: Apai indai nembiak diperansang nganjung anak besekula ba taska enggau tadika ti udah direjister.

Menteri Pengintu Pengelantang Pendiau, Komuniti, Indu, Ruang Bilik enggau Pemansang Anak Mit Datuk Seri Fatimah Abdullah madah, taska enggau tadika ti direjister nya likun agi.

Ku iya, pengelikun bala anak ke belajar dia semampai dikemerat laban endang nitihka Atur Pengawa Standard (SOP) ti udah ditetapka dikena nagang pengerekai Covid-19.

“Nyema taska enggau tadika nya direjister enggau opis menteri endang nentuka sida sebedau dibuka mesti meresi palan baka nuchi barang, takah palan duduk enggau ke bukai.

“Semua pejalai taska ngau tadika ti direjister diperambu enggau manah nitihka SOP,” ku iya.

Fatimah bejaku munyi nya pengudah ngelawa Tadika Kurnia ditu, tadi.