Nembiak menua pesisir belajar online tejanggal, nadai internet

LIMBANG: Nadai arus penyambung (internet) sereta penanggul perengkaguna pemun ngujungka nembiak ba menua pesisir tejanggal deka belajar nengah chara online.

Adun Batu Danau, Paulus Palu Gumbang madahka penanggul nya ngujungka mayuh kandang menua ba menua pesisir enda ulih ditelefon.

Terang iya, Perintah nerima manah perambu Opis Menteri Pelajar Malaysia (PKM) mantaika sistem belajar nengah online sekumbang pandemik Covid-19 nuntung menua tu ngambi nentuka nembiak ulih belajar ba rumah.

“Enti kitai berati, agi mayuh kandang menua ba menua pesisir nyengkaum ba Kunsil Nengeri (Dun) Batu Danau enda ulih disambung ngena arus penyambung enggau telefon.

“Taja perintah bejalaika pengawa belajar nengah online, mayuh bala anak enda ulih nyereta pengawa belajar nya ukai semina nadai arus penyambung, tang mayuh apai indai enda ulih meli utai dikena bala anak sida belajar.

Paulus mansutka jaku nya lebuh dirandau pemberita ba Pengawa Nyuaka Bantu Pemakai ari Serikat Persafe Plantation Sdn Bhd, apin lama ke udah.