ARTIKEL

TEMEGAH… Siku ari graduet UiTM begambar ungkup kenang enggau sida sebilik lebuh Pengawa Konvokesyen Universiti Teknologi Mara (UiTM) Pampang Sarawak Ke-97 ba Balai Jubli UiTM Pampang Sarawak Kampus Samarahan, ditu kemari. | GHAZALI BUJANG

Nempa graduet inovatif, ulih besemekih

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KOTA SAMARAHAN: Bisi 2,118 iku graduet mujur nerima setipikit anugerah degree enggau diploma dalam bidang sida empu rambau Pengawa Konvokesyen Universiti Teknologi Mara (UiTM) Pampang Sarawak Ke-97 kemari.

Pro Chanselor UiTM, Datuk Profesor Emeritus Datuk Dr. Hassan Said madah, makit kereja diatu udah majak mar bekau ari gaya ekonomi ti balat mar.

Ku iya, nya kebuah universiti merambu mayuh pekara dalam nentuka semua graduet ti pansut ari palan nya sedia enggau ulih besemekih ba makit pengawa luar.

“UiTM udah ngerunding mayuh alternatif ukai semina deka nempa graduet ti ulih rembus ngagai dunya luar tang mega ulih besemekih, inovatif enggau ulih nangkup peminta makit pengawa.

“Pekara tu nyengkaum pemansang kurikulum, ke alai semua fakulti diberi langkar ti relevan nitihka peminta makit enggau industri,” ku iya.

Iya bejaku munyi nya rambau bejadi Pengawa Konvokesyen Universiti Teknologi Mara (UiTM) Pampang Sarawak Ke-97 ba Balai Jubli UiTM Pampang Sarawak Kampus Samarahan, ditu kemari.

Ku iya, kelimpah ari nya, sida mega balat ngemeratka guna teknologi digital ngagai nembiak kelebih agi sepemanjai pengawa ngajar enggau belajar.

Iya madah baru, ba pekara nya sida keran deka negapka sistem pelajar betikas dunya, ngujungka UiTM endang keran nanggam kerejasama ngagai pemekuh industri nangkup peminta makit enggau raban bekaul.

Iya madah, naka diatu sida udah nyain sekeda Sempekat Pemereti Ati (MoU) enggau Memorandom Sempekat (MoA) ba renggat menua sereta menua luar.

“Raban graduet mega meseti ngembuan peminta enggau pakej bukai awakka ulih diterima gawa baikka ba dalam enggau luar menua.

“Sekeda peminta iya nya ngempu runding ti kritis, ulah nyadi tuai ti manah, semangat gawa dalam sebuah tim enggau nguasa jaku bansa bukai.

“Sida mega meseti nyikap diri belajarka semua penemu bukai dalam bidang besai awakka ulih meri empas ti tinggi sereta laku gawa ba menua luar,” ku iya.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU