ARTIKEL

Nempa nembiak pintar teknologi digital

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KOTA SAMARAHAN: Perintah enggau palan pelajar tinggi peribit chakah nanggam kerejasama nempa modal mensia ti bepenau, inovatif, kreatif enggau ulih besemekih dikena nangkup peminta kemaya hari tu.

Tuai Pegawai Eksekutif Kuching Skills College (KSC), Novert Sullang Douglas Sullang madah, kitai pechaya agenda pemansang modal mensia nya sebengkah inisiatif betampung lalu nya enda ulih dikemujur enti nadai kerejasama ari semua orang.

Ku iya, nya kebuah perintah seruran bekerejasama enggau palan pelajar tinggi peribit kelebih agi KSC ba pekara nya.

“Kerejasama kededua raban nya beguna bamat a pengawa bekunsi penemu, peneleba enggau penau dikena ngemansangka modal mensia ba nengeri tu.

“Kitai sedar, pemansang ekonomi endang bepanggai ba pemansang modal mensia ti bepenau, inovatif, kreatif enggau ulih besemekih tu.

“Pekara tu mega beguna amat dikena nempa Sarawak nyadi menua maju datai ba taun 2030 nipak ke juluk perintah.

“Pia mega, pekara tu seraris enggau agenda besai KSC ba pengawa ngemansang ke modal mensia ti meruan enggau menyana,” ku iya.

Novert nibar jaku nya lebuh dirandau pemberita pengudah nyain Sempekat Pemereti Ati (MoU) kerejasama strategik entara KSC enggau Sektor Pemansut enggau Teknologi Pelajar (SSTP) ba baruh Opis Pelajar Nengeri Sarawak (JPNS) ba Opis SSTP, ditu kemari.

Ungkup rikod, pengawa nyain MoU nya entara Tuai Penulung Direktor SSTP, Alta Abang Katum enggau Novert.

Iya madah, kerejasama kededua raban nya deka mai pangka besai ngagai rayat Sarawak kelebih agi ba pekara pengelandik ti bekaul enggau teknologi pemadu baru.

Ngelansa senentang kerejasama nya, Novert madah, KSC enggau SSTP besetuju deka ngaga kus pengelandik bemalin ke teknologi pemadu baru baka dron, Internet of Things (IoT) enggau digital.

Ku iya, semua kus nya deka dipejalaika ba SSTP empu.

“Kitai patut ransing nyerungkai enggau belajar ke pekara tu ti ulih marit pemansang Sarawak dudi hari kelimpah ngamat juluk besai nempa Sarawak maju.

“KSC temegah laban SSTP berani ngaga ubah besai, berunding ngelui ari pemintar sereta sanggup bekunsi pemansut ngambi juluk pemansang pelajar menua ulih dikemansang.

“Nya alai, aku meransang bala nembiak Sarawak ngena peluang tu belajar ke kus pengelandik ti disediaka tu,” ku iya.

Iya mega beterima kasih ngagai raban SSTP enggau JPNS laban milih lalu bekerejasama enggau KSC ba pengawa ngemansang anak Sarawak.

BERITA LAIN

Pengelanchar kuasa karan sepanjai Sukma dijaga

KUCHING: Opis Menteri Utiliti enggau Telekomunikasyen deka nentu bekal kuasa karan sepanjai Lumba Malaysia (Sukma) XXI 2024 ti deka diatur ba Sarawak lanchar. Sapit Menteri

BERITA TERBARU

Pasukan Malaysia pertama juarai MSC MLBB

SELANGOR Red Giants (SRG) menamatkan kemarau tujuh tahun Malaysia untuk menjuarai aksi antarabangsa e-sukan selepas menumbangkan Filipina Falcons AP Bren Sport 4-2 dalam kejohanan Mid

Misi dermaga terapung tamat

WASHINGTON: Tentera Amerika Syarikat (AS) mengumumkan penamatan misi dermaga terapung pada Rabu, yang ditubuhkan untuk menghantar bantuan ke Semenanjung Gaza. “Misi lonjakan maritim yang melibatkan

Sasar nilai jualan RM400 juta

KUALA LUMPUR: Kementerian Sains, Teknologi dan Inovasi (MOSTI) menyasarkan nilai jualan hampir RM400 juta daripada pelancaran lima produk bioteknologi oleh syarikat berstatus BioNexus dan Pemecut