Nempa raban volunteer ari pupu bansa

KUCHING: Program Hari Volunteer Nembiak Malaysia Renggat Negeri Sarawak siti ari pelasar ke manah nempa raban volunteer datai ari pupu bansa.

Adun Tupong ti mega Patron Raban Volunteer Sarawak, Fazzrudin Abdul Rahman madahka pekara nya mai reti ti chukup besai ngagai nembiak rebak baru.

“Kitai mesti beratika nama pekara ti nyadi ngelingi lalu kitai naka ulih mantu sida ke betapi enggau penusah.

“Semangat nyadi volunteer patut diterenak kenyau ari renggat tumu awakka kitai ulih nempa rebak baru ngembuan ulah ti siru enggau kasihka orang bukai,” ku iya.

Fazzrudin bejaku munyi nya lebuh bejadika Program Hari Volunteer Nembiak Malaysia Renggat Negeri Sarawak di Kompleks Nembiak enggau Lumba ditu tadi.