BANGKOK: Rayat Thailand nanam pun kayu berega baka rian enggau nangka ngambi ulih digadai dikena nyali duit ari bank menua nya.
Pengawa ngena kayu berega nyadi gadai dikena nyali duit ba bank mayuh udah nempa pemujur nyentuk Menteri Besai Thailand, Prayut Chan-o-cha meransang komuniti menua pesisir nanam mayuh agi pun kayu nya.
Pun kayu bukai ti ulih digadai nyengkaum kayu jati, asam jawa, kayu chelum enggau kayu chelum Burma.
Sapit pengari perintah, Ratchada Thanadirek madah, tuju Prayut mantaika penyulut inisiatif nya dikena meri penyedar ngagai bala tuai enggau rayat menua pesisir pemesai guna nanam kayu berega.
“Tu sebengkah chara dikena Menteri Besai nempa rampa menua gadung ba menua tu sereta meri pemaik ngagai rayat menua pesisir nyali duit,” ku iya.
Naka 20 Mei, bisi 146,000 kayu mujur rejister nyadi gadai dikena nyali duit 137 juta baht (RM17 juta).
