ARTIKEL

LEBIH 75 reruai Kraf Borneo Kita bisi disedia ungkup bala pengusung serimbai Program MOTAC@Bintulu nyentuk 7 Januari 2024. Pemujur Kraf Borneo Kita udah meransang Opis Menteri Dagang Temuai, Seni enggau Main Asal (MOTAC) ngelanggur bemacham inisiatif enggau program ba Malaysia kelebih agi ba Bintulu pengudah kitai nyingkang taun baru ngagai taun baru tu. Sapit Menteri Dagang Temuai, Seni enggau Main Asal, Khairul Firdaus Akbar Khan lebuh bejadi Program MOTAC@ Bintulu nyemetak madah, MOTAC keran nyungkak industri dagang temuai ba Bintulu. “MOTAC deka terus nyungkak industri dagang temuai ba Bintulu ti bisi pengulih besai nyadi sebagi ari palan dagang temuai tebilang ba Sarawak. “Kami naka ulih ngemujur enggau nyapai pekara tu laban siti tuju besai iya nya ungkup pemaik rayat Bintulu,” ku iya mantangka penemu sereta niat MOTAC. Ku iya, MOTAC nengah Kraftangan Malaysia keran ngangkat industri kraf jari nengah bemacham makit besai kelimpah nyendiaka pelasar digital baka E-Kraf Bazar enggau MYCraftshoppe. Iya madah baru, chukup mayuh rayat Bintulu datai ngerichahka agi Program MOTAC@ Bintulu enggau Malam Taun Baru 2024 ti diatur ba Lasar Kenyalang ngayanka rayat Bintulu meri sukung tegut ngagai program ti diatur MOTAC. Nempa siti agi pemujur, Program MOTAC@ Bintulu udah nerima lebih 55,000 pengusung belabuh ari 29 ngagai 31 Disember 2023 program nya diatur. Ke rikod, Program MOTAC@Bintulu nya inisiatif meruan MOTAC ngeranchakka agi industri dagang temuai enggau main asal sereta kraf jari enggau produk lokal. Nya alai, Khairul mega madah, MOTAC naka ulih ngelaku dagang temuai enggau main asal sereta produk kraf lokal ngagai tikas dunya. Kelimpah ari Khairul, Tuai Sekretari Opis Menteri Dagang Temuai, Seni enggau Main Asal (MOTAC), Datuk Roslan Tan Sri Abdul Rahman mega udah ngabas reruai ba program nya. Bisi lebih 75 pedagang kraf ari Sarawak, Sabah enggau Semenanjung napatka Lasar Kenyalang nyadi nalan nambahka penatai pemisi sida pengelama 10 hari belabuh ari 29 Disember 2023 nyentuk 7 Januari 2024. Nya alai, mensia mayuh ditesau sampal datai ngerichahka agi program nya seraya nyukung pedagang enggau produk lokal nyentuk 7 Januari 2024 tu.

Ngelaku industri kraf nengah makit digital

Facebook
Twitter
LinkedIn
WhatsApp
Telegram

LEBIH 75 reruai Kraf Borneo Kita bisi disedia ungkup bala pengusung serimbai Program MOTAC@Bintulu nyentuk 7 Januari 2024.

Pemujur Kraf Borneo Kita udah meransang Opis Menteri Dagang Temuai, Seni enggau Main Asal (MOTAC) ngelanggur bemacham inisiatif enggau program ba Malaysia kelebih agi ba Bintulu pengudah kitai nyingkang taun baru ngagai taun baru tu.

PESAKA… Roslan rindu megai selampai ti bechura mirah mansau dijual siku pedagang kraf.

Sapit Menteri Dagang Temuai, Seni enggau Main Asal, Khairul Firdaus Akbar Khan lebuh bejadi Program MOTAC@ Bintulu nyemetak madah, MOTAC keran nyungkak industri dagang temuai ba Bintulu.

“MOTAC deka terus nyungkak industri dagang temuai ba Bintulu ti bisi pengulih besai nyadi sebagi ari palan dagang temuai tebilang ba Sarawak.

BELI WAI… Bala pengusung rindu meda bemacham produk kraf ti bisi dijual ba reruai Kraf Borneo Kita.

“Kami naka ulih ngemujur enggau nyapai pekara tu laban siti tuju besai iya nya ungkup pemaik rayat Bintulu,” ku iya mantangka penemu sereta niat MOTAC.

Ku iya, MOTAC nengah Kraftangan Malaysia keran ngangkat industri kraf jari nengah bemacham makit besai kelimpah nyendiaka pelasar digital baka E-Kraf Bazar enggau MYCraftshoppe.

Iya madah baru, chukup mayuh rayat Bintulu datai ngerichahka agi Program MOTAC@ Bintulu enggau Malam Taun Baru 2024 ti diatur ba Lasar Kenyalang ngayanka rayat Bintulu meri sukung tegut ngagai program ti diatur MOTAC.

Nempa siti agi pemujur, Program MOTAC@ Bintulu udah nerima lebih 55,000 pengusung belabuh ari 29 ngagai 31 Disember 2023 program nya diatur.

Ke rikod, Program MOTAC@Bintulu nya inisiatif meruan MOTAC ngeranchakka agi industri dagang temuai enggau main asal sereta kraf jari enggau produk lokal.

Nya alai, Khairul mega madah, MOTAC naka ulih ngelaku dagang temuai enggau main asal sereta produk kraf lokal ngagai tikas dunya.

Kelimpah ari Khairul, Tuai Sekretari Opis Menteri Dagang Temuai, Seni enggau Main Asal (MOTAC), Datuk Roslan Tan Sri Abdul Rahman mega udah ngabas reruai ba program nya.

Bisi lebih 75 pedagang kraf ari Sarawak, Sabah enggau Semenanjung napatka Lasar Kenyalang nyadi nalan nambahka penatai pemisi sida pengelama 10 hari belabuh ari 29 Disember 2023 nyentuk 7 Januari 2024.

Nya alai, mensia mayuh ditesau sampal datai ngerichahka agi program nya seraya nyukung pedagang enggau produk lokal nyentuk 7 Januari 2024 tu.

LAIN-LAIN BERITA

BERITA TERBARU